تحدث رامي نصوحي، عضو مجلس إدارة الزمالك، عن ازمة البرازيلي خوان بيزيرا، لاعب الفريق الأول لكرة القدم، مشيرا إلى أنه اللاعب الأجنبي الوحيد الي قدم شكوى في النادي أكثر من مرة الموسم الماضي.
ونشبت أزمة بين مجلس إدارة الزمالك والبرازيلي خوان بيزيرا، إذ تغيب اللاعب عن الانتظام في معسكر الفريق، اعتراضا على رفض النادي للعرض المقدم من شباب أهلي دبي الإماراتي.
عضو الزمالك يكشف مفاجأة عن خوان بيزيرا
قال رامي نصوحي في بودكاست “خطين حمر”: “الزمالك لن يبيع بيزيرا وهو عنده إيقاف قيد. العروض بتيجي 4 أضعاف اللي بياخده معانا، ومش هينفع أقوله اقعد غصب عنك، فيه عقد ومش هيمشي غير عن طريق الزمالك، لكن ممكن يعمل زي وسام أبو علي، وسام كان عنده عقد مع الأهلي ومرجعش أصلا من أمريكا، اضطروا في الآخر يبيعوه”.
وأضاف: “البيع مش فارق معايا، بس تبيعه وأنت بتدخل حد مكانه وتستفيد منه ماديًا، بس تبيعه والقيد موقوف صعب، مش هتقعد لاعب غصب عنه. حسام من وقت جوزيه جوميز وهو عايز يمشي، كان بيقول عايز أطلع أوروبا. محدش هيقعد معاك وهو مش عايز”.
وأوضح: “ليس لدينا أي مشكلة قانونية مع بيزيرا، اديناه فلوسه، مفيش أي ثغرة قانونية، بيزيرا حصل على جميع مستحقاته، ولا توجد أي مشكلة قانونية على النادي ولا ثغرة أمامه للرحيل، واللاعب أرسل 13 إنذارًا للزمالك الموسم الماضي، وهو الأجنبي الوحيد اللي اشتكى النادي أكثر من مرة”.
واختتم: “الأجانب كلهم اللي في كل الألعاب مكنوش بيبعتوا غير إنذار واحد بس طول الموسم، على سبيل المثال عدي الدباغ وآدم كايد وشيكو بانزا، كل واحد بعت إنذارا واحدا فقط”.
اقرأ أيضًا:
مساحتها 975 مترا وتضم قاعة سينما.. ماذا يوجد داخل فيلا صلاح في طرابزون؟
100 مليون إسترليني.. جولة داخل أسطول سيارات كريستيانو رونالدو